തൃശൂര്: വടക്കാഞ്ചേരി മുണ്ടത്തിക്കോട് വെടിക്കെട്ട് പുരയിലുണ്ടായ സ്ഫോടനത്തില് 13 പേര് മരിച്ച പശ്ചാത്തലത്തില് തൃശൂര് പൂരം വെടിക്കെട്ടില്ലാതെ നടത്താന് ആലോചന.
തുടര്നടപടികള് കേന്ദ്ര, സംസ്ഥാന സര്ക്കാരുകള് തീരുമാനിക്കട്ടെ എന്ന നിലപാടാകും തിരുവമ്പാടി ദേവസ്വം കൈക്കൊള്ളുക. പാറമേക്കാവുമായും ഇക്കാര്യത്തില് കൂടിയാലോചന നടത്തും.
വെടിക്കെട്ട് പൂര്ണമായും ഒഴിവാക്കണമെന്ന നിര്ദേശം സര്ക്കാരിന്റെ ഭാഗത്തുനിന്നുണ്ടായാല് അക്കാര്യത്തില് ദേവസ്വങ്ങള് കൂടിയാലോചന നടത്തി തീരുമാനമെടുക്കും. മരിച്ചവരുടെ സംസ്കാരത്തിനും സഹായം എത്തിക്കുന്നതിനും മുന്ഗണനയെന്നാണ് ദേവസ്വം അധികൃതര് പറയുന്നത്.
