തൃശൂര്: കോടാലിയില് പാമ്പുകടിയേറ്റ് മരിച്ച കുട്ടിയുടെ വീട്ടില് വീണ്ടും പാമ്പ്. ആല്ജോയുടെ മൃതദേഹം കൊണ്ടുവന്ന സമയത്താണ് ശംഖുവരയന് ഇനത്തില്പ്പെട്ട പാമ്പിന് കുഞ്ഞിനെ കണ്ടത്.
നാട്ടുകാര് ഇതിനെ തല്ലിക്കൊന്നു. വനത്തോട് ചേര്ന്ന ഒറ്റനില വീട്ടിലാണ് പാമ്പുകയറിയതും കുട്ടിയെ കടിച്ചതും.
കഴിഞ്ഞ ദിവസമാണ് കോടാലി സ്വദേശി ഫില്ജോയുടെ മകന് ആല്ജോ പാമ്പ് കടിയേറ്റ് മരിച്ചത്. ആൽജോ മരിച്ചത് ശംഖുവരയന്റെ കടിയേറ്റാണെന്ന് തൃശൂര് മെഡിക്കല് കോളേജിലെ പോസ്റ്റ്മോര്ട്ടം പരിശോധനയിൽ കണ്ടെത്തിയിരുന്നു. പാമ്പുകടിയേറ്റ ആല്ജോയുടെ സഹോദരന് അനോജ് അപ്പോളോ ആശുപത്രിയില് ഗുരുതരാവസ്ഥയില് തുടരുകയാണ്.
