ആലപ്പുഴ : മുൻമന്ത്രി ജി സുധാകരൻ സിപിഐഎമ്മുമായി അകന്നതിന് പിന്നാലെ പ്രതികരണവുമായി മന്ത്രി സജി ചെറിയാൻ. ഒരിക്കലും ചെയ്യാൻ പാടില്ലാത്ത കാര്യമാണ് ജി സുധാകരൻ ചെയ്തതെന്നും പാർട്ടിയെ സുധാകരൻ ചതിച്ചെന്നും സജി ചെറിയാൻ പറഞ്ഞു.
ജി സുധാകരന് പാർട്ടിക്കെതിരെ ഒരക്ഷരം പറയാൻ അർഹതയില്ല. അമ്പലപ്പുഴയിൽ സുധാകരൻ ഒരു ഭീഷണിയും അല്ല. മത്സരിക്കണോ വേണ്ടയോ എന്നുള്ളത് ഓരോരുത്തരുടെയും വ്യക്തിപരമായ തീരുമാനമാണ്. സുധാകരൻ ഉന്നയിച്ച രാഷ്ട്രീയ പ്രശ്നങ്ങൾ പരിശോധിക്കും. ഇക്കാര്യത്തിൽ പാർട്ടിക്ക് ഒന്നും ഒളിച്ചുവെക്കാനില്ലെന്നും സജി ചെറിയാൻ വ്യക്തമാക്കി.
