തിരുവനന്തപുരം: സംസ്ഥാനത്ത് മഴ തുടരുന്ന സാഹചര്യത്തില് വരുന്ന മൂന്ന് ദിവസം വിവിധ ജില്ലകളില് യെല്ലോ അലർട്ട് പ്രഖ്യാപിച്ച് കേന്ദ്ര കാലാവസ്ഥാ വകുപ്പ്.
സെപ്തംബർ മൂന്നിന് തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്. സെപ്തംബർ നാലിന് കോഴിക്കോട്, കണ്ണൂർ, കാസർകോട് ജില്ലകളില് യെല്ലോ അലർട്ടാണ്.
തിരുവോണ ദിവസമായ സെപ്തംബർ അഞ്ചിന് കണ്ണൂർ, കാസർകോട് ജില്ലകളില് യെല്ലോ അലർട്ടാണ്. ഈ ജില്ലകളില് ശക്തമായ മഴയ്ക്ക് സാദ്ധ്യതയുണ്ടെന്നാണ് പ്രവചനം.
24 മണിക്കൂറില് 64.5 മില്ലിമീറ്റർ മുതല് 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് അർത്ഥമാക്കുന്നത്.
