കൊച്ചി: രാഹുല് മാങ്കൂട്ടത്തില് എംഎല്എയുടെ മുന്കൂര് ജാമ്യം റദ്ദാക്കണമെന്ന് സര്ക്കാര് ഹൈക്കോടതിയില്.
രാഹുലിനെതിരായ ബലാത്സംഗക്കേസിലെ തിരുവനന്തപുരം അഡീഷണല് പ്രിന്സിപ്പല് സെഷന്സ് കോടതി വിധിക്കെതിരെയാണ് സര്ക്കാര് ഹൈക്കോടതിയില് അപ്പീല് നല്കിയിരിക്കുന്നത്. വസ്തുതകള് പരിഗണിക്കാതെയാണ് കോടതിയുടെ ഉത്തരവെന്ന് ഹര്ജിയില് പ്രോസിക്യൂഷന് ഉന്നയിക്കുന്നു.
മുന്കൂര് ജാമ്യം റദ്ദാക്കണം, രാഹുലിനെ കസ്റ്റഡിയിലെടുത്ത് ചോദ്യം ചെയ്യണം എന്നതാണ് പ്രോസിക്യൂഷന് പ്രധാനമായും അപ്പീലില് ഉന്നയിക്കുന്നത്. രാഹുല് മാങ്കൂട്ടത്തിലിനെതിരായ ആദ്യ പരാതി ഹൈക്കോടതി പരിഗണനയിലാണ്.
പ്രതി സമാനകുറ്റകൃത്യങ്ങളില് ഏര്പ്പെടുന്ന സാഹചര്യത്തില് കസ്റ്റഡിയിലെടുത്ത് ചോദ്യം ചെയ്യേണ്ടതുണ്ടെന്നും അപ്പീലില് പറയുന്നു.
