തിരുവനന്തപുരം: ശബരിമല സ്വര്ണപ്പാളി വിവാദത്തില് നിയമസഭയില് മറുപടി പ്രസംഗം നടത്തുന്നതിനിടെ, പ്രതിപക്ഷത്തെ രൂക്ഷമായി വിമര്ശിച്ച് മുഖ്യമന്ത്രി പിണറായി വിജയന്.
ഇതിനൊപ്പം, പ്രതിപക്ഷനിരയിലെ ഒരു എംഎല്എയ്ക്ക് എതിരേ അദ്ദേഹത്തിന്റെ ഉയരത്തിന്റെ പേരിലും മുഖ്യമന്ത്രി പരിഹാസം ഉന്നയിച്ചു.
”എന്റെ നാട്ടിലൊരു വര്ത്തമാനമുണ്ട്. എട്ടുമുക്കാല് അട്ടിവെച്ചപോലെ എന്ന്. അത്രയും ഉയരംമാത്രമുള്ള ഒരാളാണ് ഇവിടെ വലിയതോതില് ആക്രമിക്കാന് പുറപ്പെടുന്നത്. സ്വന്തം ശരീരശേഷി കൊണ്ടല്ല അത്. സ്വന്തം ശരീരശേഷി അതിനൊന്നും പറ്റുന്നതല്ലെന്ന് കാണുമ്പോള് എല്ലാവര്ക്കും അറിയാം. പക്ഷേ, നിയമസഭയുടെ പരിരക്ഷവെച്ചുകൊണ്ട് വാച്ച് ആന്ഡ് വാര്ഡിനെ ആക്രമിക്കാന് പോവുകയാണ്. അതും വനിതാ വാച്ച് ആന്ഡ് വാര്ഡിനെ അടക്കം”, മുഖ്യമന്ത്രി പറഞ്ഞു.
ശബരിമല സ്വര്ണപ്പാളി വിഷയത്തില് രണ്ടുദിവസമായി പ്രതിപക്ഷം നടത്തുന്ന പ്രതിഷേധങ്ങളെ വിമര്ശിച്ചുകൊണ്ടാണ് മുഖ്യമന്ത്രി പ്രസംഗം ആരംഭിച്ചത്. തുടര്ന്ന് പ്രതിപക്ഷം പുകമറ സൃഷ്ടിക്കുകയാണെന്നും അദ്ദേഹം ആരോപിച്ചു.
