കൊച്ചി: പാലക്കാട്- എറണാകുളം മെമു ട്രെയിനിലെ കോച്ചുകളുടെ എണ്ണം വര്ധിപ്പിച്ച് റെയില്വേ. പ്രതിഷേധങ്ങള്ക്കും നിവേദനങ്ങള്ക്കും ഒടുവിലാണ് യാത്രക്കാര്ക്ക് ആശ്വസമായി കോച്ചുകളുടെ എണ്ണം ഉയര്ത്തിയത്.
നേരത്തെ 8 കോച്ചുകളാണ് ഉണ്ടായിരുന്നത്. പുതിയ തീരുമാനപ്രകാരം കോച്ചുകള് 12 ആയാണ് ഉയര്ത്തിയത്. ഈ മാസം 23 മുതല് 12 കോച്ചുകളുമായി മെമു ഓടിത്തുടങ്ങും.
പാലക്കാട്- എറണാകുളം (66609, 10) മെമുവിനു പുറമേ, കൊല്ലം- എറണാകുളം (06169, 70), കൊല്ലം- കോട്ടയം (66316, 15) മെമു ട്രെയിനുകളിലും കോച്ചുകളുടെ എണ്ണം 12 ആക്കും.
