മസാല ബോണ്ട് ഇടപാടില് മുഖ്യമന്ത്രി പിണറായി വിജയന് ഇ ഡി നോട്ടീസ് അയച്ചതില് പ്രതികരണവുമായി മാത്യു കുഴല്നാടന് എംഎല്എ.
കിഫ്ബി മസാല ബോണ്ട് ഇടപാടില് ഫെമ നിയമലംഘനം നടന്നോ എന്നതിനേക്കാള് ദുരൂഹവും ഗൗരവതരവുമായ പ്രശ്നങ്ങളുണ്ടെന്നും സംസ്ഥാനം ആരില് നിന്നാണ് പണം സ്വീകരിച്ചതെന്നാണ് പുറത്തുവരേണ്ടതെന്നും മാത്യു കുഴല്നാടന് പറഞ്ഞു.
കേരളം പണം വാങ്ങിയത് ആരില് നിന്നാണെന്ന് പറയുന്നതില് തടസമെന്താണെന്ന് മാത്യു കുഴല്നാടന് ചോദിക്കുന്നു. വിവരാവകാശ നിയമപ്രകാരം ഇത് താന് ചോദിച്ചിട്ടും പറയാനാകില്ലെന്നായിരുന്നു സര്ക്കാരിന്റെ മറുപടി. പണം സ്വീകരിച്ചത് ആരില് നിന്നാണെന്ന് പുറത്തുവന്നാല് ഇടപാടിന്റെ മറ്റ് താത്പര്യങ്ങള് പുറത്താകും.
മലയാളികള്ക്ക് പരിചയമുള്ള പല പേരുകളും പുറത്തു വന്നേക്കാം. ഇത് പലവിധ ചോദ്യങ്ങളും ഉയരാന് കാരണമാകും. ആ വിഷയമാണ് ഫെമ നിയമലംഘനത്തേക്കാള് വലുതായി താന് കാണുന്നതെന്നും മാത്യു കുഴല്നാടന് കൂട്ടിച്ചേര്ത്തു.
