കളമശ്ശേരി: കളമശ്ശേരി പോളിടെക്നിക് കഞ്ചാവ് കേസിലെ മുഖ്യ പ്രതി പിടിയിൽ. ഒഡീഷ സ്വദേശി അജയ് പ്രദാനെ ആണ് കളമശ്ശേരി പൊലീസ് പിടികൂടിയത്.
ഹോസ്റ്റലിലേയ്ക്ക് എത്തിക്കാൻ ഇതര സംസ്ഥാനക്കാരുടെ സംഘത്തിന് കഞ്ചാവ് കൈമാറിയത് ഇയാൾ ആണ്. ഒഡീഷയിലെ ദരിങ്ക്ബാദിൽ നിന്ന് ആണ് ഇയാളെ പിടികൂടിയത്.
കേസില് നാല് വിദ്യാര്ഥികളെ കോളേജിൽ നിന്ന് പുറത്താക്കിയിരുന്നു. മാര്ച്ച് 14 വെള്ളിയാഴ്ച പുലര്ച്ചെയാണ് കളമശ്ശേരി പോളിടെക്നിക്കിലെ ആണ്കുട്ടികളുടെ ഹോസ്റ്റലിൽ നടത്തിയ പരിശോധനയില് രണ്ടുകിലോയോളം കഞ്ചാവ് പിടികൂടിയത്.
വ്യാഴാഴ്ച രാത്രി ഒന്പത് മണിയോടെ ആരംഭിച്ച പരിശോധന വെള്ളിയാഴ്ച പുലര്ച്ചെ വരെ നീളുകയായിരുന്നു. സംഭവത്തില് കെഎസ്യു പ്രവര്ത്തകരായ ആദിത്യൻ ആകാശ് എന്നിവരെയും എസ്എഫ്ഐ പ്രവര്ത്തകനായ അഭിരാജിനെയും പൊലീസ് പിടികൂടിയിരുന്നു.
