കൊച്ചി: ജനവിധിയെ പരിഹസിച്ചുകൊണ്ട് കോണ്ഗ്രസ് നടത്തുന്ന കസേര കളി തികച്ചും അപഹാസ്യമാണെന്ന് സിപിഐഎം നേതാവ് കെ കെ ശൈലജ.
മുഖ്യമന്ത്രി സ്ഥാനത്തേക്ക് ഇത്ര വലിയ തര്ക്കമാണെങ്കില് ഭാവിയില് ഗവണ്മെന്റിന് ഏതെങ്കിലുമൊരു വിഷയത്തില് ഉചിതമായ തീരുമാനം കൈക്കൊള്ളാന് കഴിയുമോയെന്നും അവര് ഫേസ്ബുക്ക് കുറിപ്പിലൂടെ ചോദിച്ചു.
എത്രയും പെട്ടന്ന് ഈ അനിശ്ചിതത്വം മാറ്റി സര്ക്കാര് രൂപീകരിക്കാന് കോണ്ഗ്രസ് തയ്യാറായില്ലെങ്കില് കേരളം കടുത്ത അരാജകത്വത്തിലേക്ക് പോകുമെന്നും അവര് കുറിച്ചു.
എല്ഡിഎഫിന്റെ പരാജയ കാരണങ്ങള് വിലയിരുത്തി ജനകീയ പ്രശ്നങ്ങളില് ഇടപെട്ടും രാഷ്ട്രീയ സംഭവ വികാസങ്ങള് ശരിയായി ചര്ച്ച ചെയ്തും മുന്നോട്ടു പോകുമെന്നും കെ കെ ശൈലജ വ്യക്തമാക്കി.
