ആലപ്പുഴ: യുഡിഎഫ് പിന്തുണയോടെ മത്സരിക്കുമെന്ന് താന് ആരോടും പറഞ്ഞിട്ടില്ലെന്നും ചില മാധ്യമങ്ങള് താന് കോണ്ഗ്രസുമായി ചര്ച്ച നടത്തിയെന്ന വാര്ത്ത പ്രചരിപ്പിക്കുകയാണെന്നും മുതിര്ന്ന സിപിഐഎം നേതാവ് ജി സുധാകരന്. യുഡിഎഫ് പിന്തുണയോടെ താന് മത്സരിക്കുമെന്ന് ആരോടും പറഞ്ഞിട്ടില്ലെന്നും അങ്ങനെ പറയാന് ഉദ്ദേശിക്കുന്നില്ലെന്നും അദ്ദേഹം മാധ്യമങ്ങളോട് പറഞ്ഞു.
ഒരു ദൗത്യവുമായും ആരും തന്റെയടുത്ത് വന്നിട്ടില്ല. എം എ ബേബി വന്നപ്പോഴും മറ്റുകാര്യങ്ങള് ചര്ച്ചയായില്ല. പിന്നീടാണ് ആര് നാസറും സുജാതയും വന്നത്. സുജാതയും ഹരിശങ്കറും തന്റെ ബന്ധുക്കളാണ്. മറ്റെല്ലാം പ്രചരണങ്ങള് മാത്രമാണ്. ഹൈസ്കൂൾ കാലത്ത് പാര്ട്ടി അംഗമായി. ആരും നിര്ബന്ധിച്ചല്ല തന്നെ പാര്ട്ടിയില് ചേര്ത്തതെന്നും ജി സുധാകരന് കൂട്ടിച്ചേര്ത്തു.
