കാട്ടിക്കുളം: ജനവാസമേഖലയില് ഇറങ്ങിയ ആനയെ നാട്ടുകാര് ചേര്ന്ന് കാട്ടിലേയ്ക്ക് തുരത്തുന്നതിനിടെ കാട്ടാനയുടെ ആക്രമണത്തിൽ വയോധികന് പരിക്ക്.
കാട്ടിക്കുളം ചേലൂർ മണ്ണുണ്ടി ഉന്നതിയിലെ ചിന്നനാണ് സംഭവത്തിൽ പരിക്കേറ്റത്.
വീട്ടുമുറ്റത്ത് ഒച്ചകേട്ട് ലൈറ്റടിച്ച് നോക്കുന്നതിനിടയിൽ കാട്ടാന ആക്രമിക്കുകയായിരുന്നു. കാട്ടാനയുടെ ആക്രമണത്തിൽ ഇയാളുടെ ആറുവാരിയെല്ലുകൾക്കും,
തോളിനും ഒടിവുണ്ട്. മാനന്തവാടി മെഡിക്കല് കോളജ് ആശുപത്രിയിലെ പ്രാഥമിക ചികില്സയ്ക്ക് ശേഷം ചിന്നനെ കോഴിക്കോട് മെഡിക്കല് കോളജിലേക്ക് മാറ്റി.
