കൊല്ലം: കൊല്ലത്ത് തെരുവ് നായ ആക്രമണം. അഞ്ചലിൽ ഏഴ് പേർക്ക് തെരുവുനായുടെ കടിയേറ്റു. ഇന്ന് രാവിലെയായിരുന്നു സംഭവം.
നായ ഓടിനടന്ന് കടിക്കുകയായിരുന്നു. നായക്ക് പേവിഷബാധ ഉണ്ടെന്ന് നാട്ടുകാർ പറഞ്ഞു. അഞ്ചൽ കാളചന്ത, ചന്തമുക്ക് എന്നിവിടങ്ങളിൽ നിന്നവർക്കാണ് കടിയേറ്റത്. നായയെ നാട്ടുകാർ തല്ലിക്കൊന്നു.
ഇന്ന് രാവിലെ 8 മണിക്ക് അക്രമുണ്ടായതായാണ് വിവരം. കടിയേറ്റവർ ആശുപത്രിയിൽ ചികിത്സ തേടി.
അതിനിടെ മാവേലിക്കരയിൽ കെഎസ്ഇബി ഓഫീസിൽ തെരുവുനായ ആക്രമണമുണ്ടായി. ജീവനക്കാരന് കടിയേറ്റു. രക്ഷപ്പെടുന്നതിനിടെ ജീവനക്കാരിക്ക് വീണ് പരിക്കേറ്റു.
