ജോലിക്കിടെ കുഴഞ്ഞുവീണു, മലയാളി നഴ്‌സിന് ദാരുണാന്ത്യം

ഇരുപത്തിയാറ് വയസ്സായിരുന്നു. ഹൃദയാഘാതത്തെ തുടർന്നായിരുന്നു അന്ത്യം. മദീനയിലെ മുവസലാത്ത് ആശുപത്രിയിൽ സ്റ്റാഫ്‌ നഴ്സായി ജോലി ചെയ്യുകയാണ് ഡെൽമ. കഴിഞ്ഞ ശനിയാഴ്ച ജോലിക്കിടെ ഹൃദയാഘാതമുണ്ടായി കുഴഞ്ഞുവീഴുകയായിരുന്നു. ഉടൻ വെൻറിലേറ്ററിൽ പ്രവേശിപ്പിച്ചിരുന്നു. ചികിത്സയിൽ കഴിയുന്നതിനിടെ മരിച്ചു.

ഓണത്തിന് നാട്ടിൽ പോയ ഡെൽമ ഒരാഴ്ച മുമ്പാണ് അവധി കഴിഞ്ഞ് സൗദിയിൽ തിരിച്ചെത്തിയത്. മരണാനന്തര നിയമനടപടികൾ പൂർത്തിയാക്കി മൃതദേഹം നാട്ടിലെത്തിച്ച് സംസ്കരിക്കും. ഡെന്ന ആൻറണിയാണ് ഏക സഹോദരി.