ദില്ലിയില് ഒന്ന് മുതല് 50 വരെ ശരിയായി എഴുതാത്തതില് പ്രകോപിതനായി നാലുവയസ്സുകാരിയെ അച്ഛൻ അടിച്ചു കൊന്നു. വൻഷികയാണ് ചപ്പാത്തിക്കോലുകൊണ്ടുള്ള മര്ദ്ദനത്തിന് പിന്നാലെ മരിച്ചത്. പിതാവ് കൃഷ്ണ ജയ്സ്വാളാണ് ക്രൂരകൃത്യം ചെയ്തത്. മര്ദ്ദനത്തിന് പിന്നാലെ കുഞ്ഞിനെ ആശുപത്രിയില് എത്തിച്ചെങ്കിലും മരിച്ചു.
കഴിഞ്ഞ ബുധനാഴ്ചയാണ് കേസിനാസ്പദമായ സംഭവം. ഭാര്യ രഞ്ജിതയോട് കുഞ്ഞ് കളിക്കുന്നതിനിടെയില് പടിക്കെട്ടില് നിന്ന് വീണെന്നാണ് പറഞ്ഞത്. ഏഴ് വയസ്സുള്ള മകൻ പിന്നീട് നടന്ന സംഭവം വെളിപ്പെടുത്തുകയായിരുന്നു. അച്ഛൻ സഹോദരിയെ മര്ദ്ദിക്കുന്നത് കണ്ടെന്ന് ഏഴു വയസ്സുകാരൻ നല്കിയ മൊഴിക്ക് പിന്നാലെയാണ് ക്രൂരകൃത്യം പുറത്തറിയുന്നത്. അമ്മയോട് ഇക്കാര്യം പറയുകയും അവര് പൊലീസിനെ അറിയിക്കുകയുമായിരുന്നു. കുട്ടിയുടെ തലയ്ക്ക് ഗുരുതരമായി പരിക്കേറ്റിരുന്നു. ആശുപത്രിയിൽ എത്തിച്ചപ്പോഴേക്കും മരിച്ചിരുന്നുവെന്ന് പൊലീസ് പറഞ്ഞു.
