കല്പ്പറ്റ: കെപിസിസി നേതൃ ക്യാമ്പില് സുനില് കനുഗോലുവിനെ തിരുത്തി നേതാക്കള്. കനുഗോലുവിന്റെ തദ്ദേശ തെരഞ്ഞെടുപ്പ് വിലയിരുത്തല് തെറ്റാണെന്ന് നേതാക്കള് അഭിപ്രായപ്പെട്ടു. യുഡിഎഫ് മുന്നേറ്റത്തിന് ഭരണവിരുദ്ധ വികാരം കാരണമായിട്ടില്ലെന്ന വിലയിരുത്തലാണ് നേതാക്കള് തിരുത്തിയത്. കെപിസിസി രാഷ്ട്രീയ കാര്യ സമിതിയിലാണ് കനഗോലു റിപ്പോര്ട്ട് അവതരിപ്പിച്ചത്. ഈ റിപ്പോര്ട്ട് മുതിര്ന്ന നേതാക്കളായ വി ഡി സതീശന്, ശശി തരൂര്, ബെന്നി ബഹനാന് എന്നീ നേതാക്കളാണ് തിരുത്തിയത്.
യുഡിഎഫിന് അനുകൂലമായി ക്രൈസ്തവ വോട്ടുകളുടെ ഏകോപനം ഉണ്ടായില്ലെന്നും കനുഗോലുവിന്റെ റിപ്പോര്ട്ടില് സൂചിപ്പിക്കുന്നു. മുസ്ലിം വോട്ടുകള് മാത്രമാണ് യുഡിഎഫിന് അനുകൂലമായതെന്നും റിപ്പോര്ട്ടില് പറയുന്നു. എല്ഡിഎഫിന്റെ അടിസ്ഥാന വോട്ടുകളില് ഇടിവുണ്ടായിട്ടില്ലെന്നും കനുഗോലു റിപ്പോര്ട്ടില് പറയുന്നു. ഭരണ വിരുദ്ധ വികാരം വേണ്ടത്ര പ്രതിഫലിച്ചിട്ടില്ലെന്നാണ് കനുഗോലു റിപ്പോര്ട്ടില് പറയുന്നത്.
