കൊച്ചി: നിരോധിത സംഘടന പോപ്പുലര് ഫ്രണ്ട് ഓഫ് ഇന്ത്യയുടെ (പിഎഫ്ഐ) സംസ്ഥാന കമ്മിറ്റി അംഗവും ആയുധ പരിശീലന വിഭാഗം കോ-ഓര്ഡിനേറ്ററുമായിരുന്ന മലപ്പുറം വളാഞ്ചേരി സ്വദേശി മൊയ്തീന്കുട്ടി കൊച്ചി വിമാനത്താവളത്തില് അറസ്റ്റില്. വിദേശത്തുനിന്നെത്തിയ ഇയാളെ എന്ഐഎയാണ് അറസ്റ്റ് ചെയ്തത്. കൊച്ചി എന്ഐഎ കോടതിയില് ഹാജരാക്കി റിമാന്ഡ് ചെയ്തു.
മൊയ്തീന്കുട്ടി മാസ്റ്റര് ട്രെയിനറെന്ന് എന്ഐഎ വ്യക്തമാക്കി. സംസ്ഥാനത്തുടനീളം പത്തുവര്ഷമാണ് ഇയാള് ആയുധപരിശീലനം നടത്തിയത്. നൂറിലേറെ യുവാക്കള്ക്ക് പരിശീലനം ലഭിച്ചെന്ന് കണ്ടെത്തിയതായും എന്ഐഎ വൃത്തങ്ങള് വ്യക്തമാക്കി. വളാഞ്ചേരിയില് ആക്രിക്കട നടത്തിയിരുന്ന ഇയാള് സംഘടന നിരോധിച്ചതോടെയാണ് ഒളിവില്പ്പോയത്.
