കോഴിക്കോട്: എൻഎസ്എസുമായി അകൽച്ചയില്ല എന്ന് യുഡിഎഫ് കൺവീനർ അടൂർ പ്രകാശ്.
ജനറൽ സെക്രട്ടറി ജി.സുകുമാരൻ നായരെ നേരിൽ കാണും എന്നും സുകുമാരൻ നായർക്ക് സിപിഎമ്മിനോട് അനുഭാവമുള്ളതായി തോന്നുന്നില്ല എന്നും അടൂർ പ്രകാശ് പറഞ്ഞു.
എൻഎസ്എസ് ജനറൽ സെക്രട്ടറി അദ്ദേഹത്തിന്റെ അഭിപ്രായം പറഞ്ഞു. അതിന്റെ കൂടെ തന്നെ സമദൂര സിദ്ധാന്തം അദ്ദേഹം ആവർത്തിച്ച് പറയുന്നുണ്ട്. കോൺഗ്രസിനെ സംബന്ധിച്ച് ഈ വിഷയത്തിൽ യാതൊരു ആശങ്കയുമില്ലെന്നും അടൂർ പ്രകാശ് പ്രതികരിച്ചു.
ഒരു സമുദായ സംഘടനകളുമായും യുഡിഎഫിന് അകൽച്ചയില്ലെന്നും സുകുമാരൻ നായരെ നേരിൽ പോയി കാണുന്നതിനും യാതൊരു പ്രശ്നവുമില്ലെന്നും അദ്ദേഹം വ്യക്തമാക്കി.
