തൃശൂര്: നഗരത്തിലുണ്ടായ റോഡപകടത്തില് സ്കൂട്ടര് യാത്രികയ്ക്ക് ദാരുണാന്ത്യം. അവിണിശ്ശേരി സ്വദേശി വടുംകൂട്ടില് വീട്ടില് ദേവിക വേണുഗോപാലന് (36) ആണ് മരിച്ചത്. ലോറിയ്ക്കടിയില്പ്പെട്ടാണ് അപകടം ഉണ്ടായത്.
മുണ്ടുപാലം ജംഗ്ഷനില് വെച്ച് ആയിരുന്നു അപകടം. സ്കൂട്ടറില് നിന്ന് റോഡിലേക്ക് വീണ ദേവികയുടെ തലയിലൂടെ ലോറി കയറി ഇറങ്ങുകയായിരുന്നു. നഗരത്തിലെ ഈ ഭാഗം ഒരു മരണ മേഖലയായി മാറിയിരിക്കയാണെന്ന് നാട്ടുകാര് പറയുന്നു.
