ആലുവ: ആലുവ – മൂന്നാർ റോഡിൽ കോളനിപ്പടിക്ക് സമീപം ട്രാവലർ ഇടിച്ച് സ്കൂട്ടർ യാത്രിക തത്ക്ഷണം മരിച്ചു. വരാപ്പുഴ ഒളനാട് സ്വദേശിനി സുനിത വില്യം (42) ആണ് മരിച്ചത്.
സ്കൂട്ടർ ഓടിച്ചിരുന്ന പിഎസ് ലൈജുവിനെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചു. ആലുവ ഭാഗത്തേക്ക് പോയ സ്വകാര്യ ബസിനെ സ്കൂട്ടർ മറികടക്കുന്നതിനിടയിൽ എതിർ ദിശയിൽ നിന്നും വന്ന ട്രാവലർ ഇടിക്കുകയായിരുന്നു.
ഇന്നലെ രാത്രി 8.45ഓടെയാണ് അപകടം. ഇടിച്ച ശേഷവും 30 മീറ്ററോളം മുന്നോട്ട് നീങ്ങിയ ശേഷമാണ് ട്രാവലർ നിന്നതെന്ന് ദൃക്സാക്ഷികൾ പറയുന്നു. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.
