കോഴിക്കോട്: കോഴിക്കോട് ശബരിമല തീർത്ഥാടകർ സഞ്ചരിച്ച ബസ് അപകടത്തിൽപ്പെട്ട് തീർത്ഥാടകർക്ക് പരിക്ക്. കൊയിലാണ്ടി തിരുവങ്ങൂരിൽ ഇന്ന് രാവിലെ ആറ് മണിയോടെയാണ് അപകടം ഉണ്ടായത്. അപകടത്തിൽ 18 പേർക്കാണ് പരിക്കേറ്റത്. ആരുടെയും പരിക്ക് ഗുരുതരമല്ലെന്നാണ് വിവരം. ശബരിമല ദർശനം കഴിഞ്ഞ് തിരിച്ച് പോകുന്ന ശബരിമല തീർത്ഥാടകരുടെ ബസ്സാണ് അപകടത്തിൽപ്പെട്ടത്. ബസിന്റെ നിയന്ത്രണം വിട്ടതാണ് അപകട കാരണം.
കർണാടക രജിസ്ട്രേഷനിലുള്ള ബസ് റോഡിൽ നിർത്തിയിട്ട ലോറിയുടെ പിന്നിൽ ഇടിക്കുകയായിരുന്നു. ബസിന്റെ മുന്ഭാഗം ഭാഗികമായി തകര്ന്നു. ഇതര സംസ്ഥാനങ്ങളില് നിന്നുള്ള തീർത്ഥാടകര് ബസില് ഉണ്ടായിരുന്നു. പരിക്കേറ്റവരില് ഭൂരിഭാഗം പേരും തമിഴ്നാട് സ്വദേശികളാണ് എന്നാണ് വിവരം. പൊലീസ് തുടർ നടപടികൾ സ്വീകരിച്ചു.
