ചെന്നൈ: കാർ നിയന്ത്രണംവിട്ട് മരത്തിലിടിച്ച് മൂന്നു ഡോക്ടർമാർ മരിച്ചു. രണ്ടു ഡോക്ടർമാർക്ക് ഗുരുതരമായി പരിക്കേറ്റു.
തമിഴ്നാട്ടിലെ തൂത്തുക്കുടിയിലാണ് സംഭവം. സരൂപൻ (23), രാഹുൽ ജെബാസ്റ്റ്യൻ (23) എന്നിവർ സംഭവ സ്ഥലത്തും മുകിലൻ (23) എന്നിവരാണ് മരിച്ചത്. ശരൺ, കൃതിക് കുമാർ എന്നിവർക്കാണ് പരിക്കേറ്റത്. ഇവരെ തൂത്തുക്കുടി ഗവ. ആശുപത്രിയിൽ പ്രവേശിപ്പിച്ചു.
തൂത്തുക്കുടി ഗവ. മെഡിക്കൽ കോളജിലെ ഹൗസ് സർജൻമാർ സഞ്ചരിച്ച കാറാണ് അപകടത്തിൽപെട്ടത്. ന്യൂ പോർട്ട് ബീച്ച് റോഡിലാണ് അപകടം. ഹൗസ് സർജൻമാർ സഞ്ചരിച്ച കാർ, കനത്ത മഴയെത്തുടർന്നു നിയന്ത്രണം വിട്ടു റോഡിരികിലെ മരത്തിൽ ഇടിക്കുകയായിരുന്നെന്നു പൊലീസ് പറഞ്ഞു.
സരൂപൻ, രാഹുൽ ജെബാസ്റ്റ്യൻ എന്നിവർ സംഭവ സ്ഥലത്തും മുകിലൻ ആശുപത്രിയിലേക്കു കൊണ്ടുപോകുന്നതിനിടെയും മരിച്ചു. സംഭവത്തിൽ തൂത്തുക്കുടി പൊലീസ് കേസെടുത്തിട്ടുണ്ട്.
