പാലക്കാട്: കാട്ടുപന്നി കുറുകെ ചാടി സ്കൂട്ടറിൽ ഇടിച്ച് അപകടം. പാലക്കാട് വടക്കഞ്ചേരിയിൽ ഉണ്ടായ സംഭവത്തിൽ സ്കൂട്ടർ മറിഞ്ഞ് യുവാവിനും ഏഴ് വയസുകാരിക്കും പരിക്കേറ്റു. കിഴക്കഞ്ചേരി കോട്ടേക്കുളം പുഴക്കൽ വീട്ടിൽ ഹക്കീം (47) രണ്ടാം ക്ലാസിൽ പഠിക്കുന്ന മകൾ സഫ ഫാത്തിമ ഇവർക്കാണ് പരിക്കേറ്റത്.
കാട്ടുപന്നി റോഡിന് കുറുകെ ചാടി സ്കൂട്ടറിൽ ഇടിക്കുകയും വാഹനം നിയന്ത്രണം വിട്ട് മറിയുകയുമായിരുന്നു. രാത്രി എട്ട് മണിയോടെ വാൽക്കുളമ്പ് പാറച്ചാട്ടം–കൊട്ടടി റോഡിലാണ് അപകടം നടന്നത്. ട്യൂഷന് പോയ മകളുമായി വീട്ടിലേക്ക് മടങ്ങുകയായിരുന്നു ഇരുവരും. അപകടം കണ്ട് ഓടിക്കൂടിയ നാട്ടുകാർ ഉടൻ തന്നെ ഇരുവരെയും ആശുപത്രിയിൽ എത്തിച്ചു.
