തിരുവനന്തപുരം: പാലോടിന് സമീപം വാഹനാപകടത്തില് യുവാവിന് ദാരുണാന്ത്യം. നന്ദിയോട് പച്ച ഇടവിളാകത്ത് സുരേഷ് -ജയശ്രീ ദമ്പതികളുടെ മകന് സൗത്ത് ഇന്ത്യന് ബാങ്ക് ജീവനക്കാരനായ മണികണ്ഠന് (27) ആണ് മരിച്ചത്.
അഴിക്കോട് യുപി സ്കൂളിന് സമീപം രാവിലെ മണികണ്ഠന് സഞ്ചരിച്ച സ്കൂട്ടറും പിക്കപ്പ് വാനും കൂട്ടിയിടിച്ചായിരുന്നു അപകടം. മുന്നിലുണ്ടായിരുന്ന ടോറസ് ലോറിയെ മറികടക്കാന് ശ്രമിക്കുന്നതിനിടെ എതിരെ വന്ന പിക്കപ്പ് വാന് സ്കൂട്ടറില് ഇടിക്കുകയായിരുന്നു. ഇടിയുടെ ആഘാതത്തില് മണികണ്ഠന് ലോറിയ്ക്കടിയിലേക്ക് വീഴുകയായിരുന്നെന്ന് നാട്ടുകാര് പറഞ്ഞു.
