Kerala

കൂത്താട്ടുകുളം തിരുക്കുടുംബ ദേവാലയത്തിൽ വിശുദ്ധ യൂദാശ്ലീഹായുടെ നൊവേന തിരുന്നാൾ അഞ്ചാം ദിവസം

By Kottayam Media

Posted on October 22, 2026

നാം വിളിച്ചപേക്ഷിക്കുമ്പോഴൊ ക്കെയും നമ്മുടെ ദൈവമായ കർത്താവ് നമുക്ക് സമീപസ്ഥനായിരിക്കുന്ന പോലെ ദൈവം ഇത്ര അടുത്തുള്ള ഏതു ശ്രേഷ്‌ഠ ജനത യാണുള്ളത്” (നിയ. 4:7). “അസാദ്ധ്യകാര്യങ്ങളുടെ മദ്ധ്യസ്ഥൻ” എന്ന വിശേഷണത്താൽ പ്രത്യേകം വണ ങ്ങപ്പെടുന്ന വി. യൂദാശ്ലീഹായുടെ സ്വർഗ്ഗീയ മദ്ധ്യസ്ഥത നമ്മുടെ ഓരോരുത്തരുടേയും ജീവിതസാക്ഷ്യങ്ങൾ തന്നെ.

ദൈവം നമ്മോട് അടുത്ത് എന്ന ബോധ്യത്തിൻ്റെ സന്തോഷവും സംതൃപ്‌തിയും നമ്മെ ധന്യരാക്കുന്നു. ഇവിടെ എത്തുന്ന ഭക്തരിൽ ഇത് വളരെ പ്രകടമാകുന്നു. വീണ്ടും വീണ്ടും ഇവിടെ നിന്ന് ലഭിക്കുന്ന അനുഗ്രഹങ്ങൾക്ക് കൃതജ്ഞ തയും ആഹ്ളാദവും പ്രകടിപ്പിക്കുവാൻ “എണ്ണത്തിരി തെളിക്കൽ’ ശുശ്രൂഷയിലൂടെ വിശ്വാസികൾ കൂടുതൽ തേജോമയമാക്കുന്നു. വി. യൂദാശ്ലീഹായുടെ നൊവേന തിരുനാളുകളിൽ സംബന്ധിച്ച് അനു ഗ്രഹീതരാകുവാൻ ഏവരേയും സ്നേഹപൂർവ്വം സ്വാഗതം ചെയ്യുന്നു.