വയനാട് മേപ്പാടി കള്ളാടിയിലുണ്ടായ മാരകമായ മണ്ണിടിച്ചിൽ ദുരന്തത്തിൽ കാണാതായ എട്ടുപേരുടെയും മൃതദേഹങ്ങൾ കണ്ടെടുത്തു. തീവ്രമായ തിരച്ചിലിനൊടുവിൽ ഹിമാചൽ പ്രദേശ് സ്വദേശിയായ വിക്രം റാണയുടെ മൃതദേഹം കൂടിയാണ് അവസാനമായി കണ്ടെത്തിയത്.
മീനാക്ഷി പാലത്തിന് 150 മീറ്റർ താഴെ, പുഴയോട് ചേർന്നുള്ള ഏലത്തോട്ടത്തിലെ കുളത്തിൽ ഇരുമ്പ് പൈപ്പുകൾക്കിടയിൽ കുടുങ്ങിക്കിടന്ന നിലയിലായിരുന്നു റാണയുടെ മൃതദേഹം. കെഡാവർ നായ നൽകിയ സൂചനയെത്തുടർന്ന്,
ബന്ധുക്കളുടെ സാന്നിധ്യത്തിൽ ഒന്നര മണിക്കൂർ നീണ്ട കഠിനശ്രമത്തിനൊടുവിലാണ് മൃതദേഹം പുറത്തെടുത്തത്. 250ഓളം സന്നദ്ധ പ്രവർത്തകരും ദുരന്തത്തിൽ പരിക്കേറ്റ് ചികിത്സയിലായിരുന്ന കുഞ്ചു എന്ന തൊഴിലാളിയും ഇന്നലത്തെ തിരച്ചിലിൽ പങ്കാളികളായിരുന്നു
