തിരുവനന്തപുരം: കേരളത്തിലെ സർക്കാർ ആശുപത്രികളിൽ രോഗികളെ നിലത്തു കിടത്തുന്ന സാഹചര്യം ഇനി ഉണ്ടാകരുതെന്ന് ആരോഗ്യ മന്ത്രി കെ. മുരളീധരൻ. രോഗികൾക്ക് ആവശ്യമായ കിടക്കകളും അടിസ്ഥാന സൗകര്യങ്ങളും ഉറപ്പാക്കാൻ സർക്കാർ നടപടി സ്വീകരിക്കുമെന്ന് മന്ത്രി വ്യക്തമാക്കി.
സർജറികൾക്കും മറ്റ് ചികിത്സകൾക്കും ആവശ്യമായ സൗകര്യങ്ങൾ എല്ലാ ആശുപത്രികളിലും സജ്ജമാക്കണമെന്നും മന്ത്രി നിർദേശിച്ചു. ആശുപത്രികളിലെ ശുചിത്വം കാര്യക്ഷമമായി പാലിക്കേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.
രോഗികൾക്ക് സുരക്ഷിതവും മാനുഷികവുമായ ചികിത്സാ അന്തരീക്ഷം ഒരുക്കുക എന്നതാണ് സർക്കാരിന്റെ പ്രധാന ലക്ഷ്യമെന്നും മന്ത്രി പറഞ്ഞു.
