കല്പ്പറ്റ: പുതുവര്ഷദിനത്തിന്റെ തലേന്ന് കമ്പളക്കാട് എംഡിഎംഎയുമായി യുവാക്കൾ പിടിയിലായി. കമ്പളക്കാട് പൊലീസ് സ്റ്റേഷന് മുന്നില് നടത്തിയ പ്രത്യേക പരിശോധനക്കിടെ എത്തിയ കാര് പരിശോധിച്ചപ്പോഴാണ്, കണ്ണൂര് ഏച്ചൂര് മുണ്ടേരി റാസ് വില്ല വീട്ടില് മുഹമ്മദ് റാസിഖ് (24), കോഴിക്കോട് തിരുവള്ളൂര് മച്ചിലോട്ട് വീട്ടില് മുഹമ്മദ് സഫ്വ്വാന് (23) എന്നിവരെ എംഡിഎംഎയുമായി പിടികൂടിയത്.
ജില്ല ലഹരിവിരുദ്ധ സ്കോഡും കമ്പളക്കാട് പൊലീസും ചേര്ന്നാണ് പിടികൂടിയത്. പരിശോധനക്കിടെ യുവാക്കളുടെ പരുങ്ങലില് സംശയം തോന്നിയ പൊലീസ്, വാഹനം വിശദമായി പരിശോധിക്കുകയായിരുന്നു. കാറിന്റെ പാസഞ്ചര് സീറ്റ് കവറിനുള്ളില് ഒളിപ്പിച്ച നിലയില് 8.5 ഗ്രാം എം ഡി എം എയാണ് കണ്ടെടുത്തത്.
