മൂവാറ്റുപുഴ:പ്രഭാത നടത്തത്തിനിടെ പിന്നിൽ നിന്ന് വാഹനമിടിച്ച് പരിക്കേറ്റയാൾ മരിച്ചു:
പ്രഭാത നടത്തത്തിനിടെ പിന്നിൽ നിന്ന് വാഹനമിടിച്ച് പരിക്കേറ്റ് സ്വകാര്യ ആശുപത്രിയിൽ ചികിത്സയിലായിരുന്ന ആൾ മരിച്ചു. മകനോടൊപ്പം താമസിച്ചിരുന്ന മൂവാറ്റുപുഴ ഹോസ്റ്റൽ ജംഗ്ഷൻ മണ്ണത്തൂക്കാരൻ ബേബി മാത്യു (73) ആണ് മരിച്ചത്. തിങ്കളാഴ്ച്ച പുലർച്ചെ 5.30ന് തങ്കളം തൃക്കാരിയൂർ റോഡിൽ ഷാപ്പുംപടിക്ക് സമീപമാണ് അപകടമുണ്ടായത്.
അപകടത്തിനിടയാക്കിയ വാഹനത്തിൽ തന്നെ കോതമംഗലത്തെ സ്വകാര്യ ആശുപത്രിയിലെത്തിച്ചെങ്കിലും തലക്കേറ്റ പരിക്ക് ഗുരുതരമായതിനാൽ ആലുവ രാജഗിരി ആശുപത്രിയിലേക്ക് മാറ്റി.
ചൊവ്വാഴ്ച്ച രാവിലെ 10 മണിയോടെ മരിച്ചു. അസ്സോസിയേഷൻ ഓഫ് ഓട്ടോമൊബൈൽ വർക്ക്ഷോപ്സ് കേരള (എഎഡബ്ലിയുകെ) കോതമംഗലം ചാപ്റ്റർ സ്ഥാപക പ്രസിഡന്റാണ്. ഭാര്യ: ലില്ലി ബേബി. മലേക്കുടി കുടുംബാംഗം. മക്കൾ: രാജു ജോസഫ്, രജു ബേബി, രെഞ്ജു സോജി. മരുമക്കൾ: മെറി ജോ ചിറമേൽ, സോജി ജോസഫ്, കുടിശ്ശേരി കിഴക്കമ്പലം. സംസ്കാരം ഇന്ന് (ബുധനാഴ്ച്ച) 11.30ന് മൂവാറ്റുപുഴ നിർമ്മല L മാത പള്ളി സെമിത്തേരിയിൽ.
