ബംഗാളിന് സന്തോഷ് ട്രോഫി ഫുട് ബോൾ കിരീടം.33-ാം തവണയാണ് ബംഗാൾ കിരീടം ചൂടുന്നത്.കളിയുടെ 90-ാം മിനിറ്റിൽ നേടിയ ഗോളിനാണ് ബംഗാൾ വിജയിച്ചത്.
ഫൈനലിന്റെ 90 മിനിറ്റിലും ഗോള് നേടാനാകാതെ കേരളവും പശ്ചിമബംഗാളും ബുദ്ധിമുട്ടി.ഹൈദരാബാദിലെ ഗച്ചിബൗളി സ്റ്റേഡിയത്തില് നടന്ന മത്സരത്തില് ഇരുടീമുകളും നിരവധി മുന്നേറ്റങ്ങളുണ്ടാക്കിയെങ്കിലും ഒന്നും ലക്ഷ്യത്തിലെത്തിയില്ല.
ബംഗാളിന്റെ ആക്രമണത്തോടെയാണ് മത്സരം തുടങ്ങിയത്. ആറാം മിനിറ്റിലാണ് കേരളത്തിന്റെ ആദ്യ നീക്കമെത്തിയത്. പന്തുമായി കുതിച്ച നസീബിന്റെ മുന്നേറ്റം ബംഗാള് പ്രതിരോധം തടഞ്ഞു. 11-ാം മിനിറ്റില് കേരളത്തിന് അവസരമെത്തി. നിജോ ഗില്ബർട്ട് നല്കിയ ക്രോസില് അജസലിന്റെ ഹെഡർ ബാറിന് മുകളിലൂടെ പറന്നു.
30-ാം മിനിറ്റില് ബംഗാളിന്റെ കോർണർ കിക്ക് കേരളത്തിന്റെ ഗോള്കീപ്പർ രക്ഷിച്ചു. 40-ാം മിനിറ്റില് കേരളത്തിന് ഫ്രീകിക്ക് ലഭിച്ചു. മുഹമ്മദ് മുഷ്റഫ് എടുത്ത ഫ്രീകിക്ക് റീബൗണ്ടായി വീണ്ടും കാലിലെത്തയെങ്കിലും താരത്തിന് ലക്ഷ്യം കാണാനായില്ല.കേരളത്തിന്റെ 16ാം ഫൈനലായിരുന്നു ഇത്. ബംഗാളിന് 47ാം ഫൈനലും.
