Kerala
നിലമ്പൂരിൻ്റെ ‘ക്രീസിൽ’ അൻവറിനായി യൂസുഫ് പഠാൻ വരുന്നു
മലപ്പുറം: നിലമ്പൂര് ഉപതിരഞ്ഞെടുപ്പിലെ സ്വതന്ത്ര സ്ഥാനാര്ത്ഥി പി വി അന്വറിന് പിന്തുണയുമായി ക്രിക്കറ്റ് താരവും തൃണമൂല് കോണ്ഗ്രസ് നേതാവുമായ യൂസഫ് പഠാന് കേരളത്തിലേക്ക്.
ജൂണ് 15 ന് യൂസുഫ് പഠാന് എത്തുമെന്നാണ് തൃണമൂല് കോണ്ഗ്രസ് ദേശീയ നേത്യത്വം അറിയിച്ചത്. കേരളത്തിൽ റോഡ് ഷോ ഉൾപ്പടെ നടത്തുമെന്നാണ് വിവരം.ബഹറാംപൂര് എം പിയാണ് യൂസുഫ് പഠാന്.
കോൺഗ്രസിന്റെ ലോക്സഭാ കക്ഷി നേതാവായിരുന്ന അധിർ രഞ്ജൻ ചൗധരിയെ പരാജയപ്പെടുത്തിയാണ് യൂസുഫ് പഠാൻ എംപിയായത്.