Kerala
സമുദായ നേതൃത്വങ്ങളോട് പാര്ട്ടിക്ക് അമിത വിധേയത്വം; കോണ്ഗ്രസ് നിലപാടില് യൂത്ത് കോണ്ഗ്രസിന്റെ പ്രമേയം
ആലപ്പുഴ: കോണ്ഗ്രസ് നിലപാടില് യൂത്ത് കോണ്ഗ്രസിന്റെ രാഷ്ട്രീയ പ്രമേയം. മത സമുദായ നേതൃത്വങ്ങളോട് പാര്ട്ടിക്ക് അമിത വിധേയത്വമെന്ന് യൂത്ത് കോണ്ഗ്രസ് പ്രമേയമിറക്കി.
ഇത് അപകടകരമാണെന്നും നെഹ്റുവിയന് ആശയത്തില് വെള്ളം ചേര്ത്തെന്നും പ്രമേയത്തില് പറഞ്ഞു. യൂത്ത് കോണ്ഗ്രസ് സംസ്ഥാന ക്യാമ്പിലാണ് പ്രമേയം പാസാക്കിയത്.
ബിജെപിയും സിപിഐഎമ്മും ഉണ്ടാക്കുന്ന സാമുദായിക ധ്രുവീകരണത്തില് ചില കോണ്ഗ്രസ് നേതാക്കള് വീഴുന്നുവെന്നും വിമര്ശനമുണ്ട്. ‘വര്ഗീയതയെ വര്ഗീയത കൊണ്ടല്ല നേരിടേണ്ടത്.
വ്യക്തി അധിഷ്ഠിത രാഷ്ട്രീയം നടത്തുന്നവരെ മുന്നണി പുറത്തു നിര്ത്തണം. തിരഞ്ഞെടുപ്പ് വിജയം ഒരുമയുടെയും കൂട്ടായ്മയുടെയും എന്ന ബോധ്യം വേണം’, പ്രമേയത്തില് പറയുന്നു.