Kerala
രാത്രിയിൽ ഭക്ഷണം കഴിക്കാൻ പോകവെ കാട്ടുപന്നി ആക്രമണം; രണ്ട് വനംവകുപ്പ് ജീവനക്കാർക്ക് പരിക്ക്
തിരുവനന്തപുരം: ഡ്യൂട്ടിക്കിടെ രാത്രിയിൽ ഭക്ഷണം കഴിക്കാനിറങ്ങിയ വനംവകുപ്പ് ജീവനക്കാർക്ക് നേരെ കാട്ടുപന്നിയുടെ ആക്രമണം.
ജീവനക്കാർക്ക് പരിക്ക്. നെയ്യാര് വന്യജീവി സങ്കേത്തിലെ ഫോറസ്റ്റ് ബീറ്റ് അസിസ്റ്റന്റ് രാജേന്ദ്രന് കാണിക്കും താല്ക്കാലിക ജീവനക്കാരനായ ഷൈജു സതീശനുമാണ് പരിക്കേറ്റത്.
കാപ്പുകാട് സെക്ഷനില് ഡ്യൂട്ടിയിലുണ്ടായിരുന്ന ജീവനക്കാർ രാത്രി ഭക്ഷണം കഴിക്കാൻ പോകുന്നതിനിടെയാണ് ഇന്നലെ കാട്ടുപന്നി ആക്രമണമുണ്ടായത്. ഇരുവരെയും ആശുപത്രിയില് പ്രവേശിപ്പിച്ചു.
പന്നിയുടെ ആക്രമണത്തില് കൈയ്ക്കും കാലിനും തോളെല്ലിനും, വയറിനും ഇവര്ക്ക് പരിക്കേറ്റിട്ടുണ്ട്.