Kerala
ഞങ്ങള് കല്ലുമാത്രം ഇട്ട് പോകുന്നവരല്ല; ടി സിദ്ദിഖ് MLA യെ വേദിയിലിരുത്തി മന്ത്രിയുടെ പരിഹാസം
കല്പ്പറ്റ: മുണ്ടക്കൈ-ചൂരല്മല ദുരന്തബാധിതര്ക്കായുള്ള വയനാട് ടൗണ് ഷിപ്പിന്റെ ആദ്യഘട്ട ഉദ്ഘാടന വേദിയില് എംഎല്എ ടി സിദ്ദിഖിനെ വേദിയിലിരുത്തി റവന്യു മന്ത്രി രാജന്റെ പരിഹാസം. ഞങ്ങള് കല്ലുമാത്രം ഇട്ടു പോകുന്നവര് അല്ല കല്ലിന് മേലെ കല്ല് വെക്കും എന്നായിരുന്നു മന്ത്രി കെ രാജന്റെ പമാമര്ശം. സര്ക്കാരിന്റെയും മുഖ്യമന്ത്രിയുടെയും ഇച്ഛാശക്തികൊണ്ടാണ് വയനാട് ടൗണ്ഷിപ്പ് യാഥാര്ഥ്യമായതെന്ന് രാജന് പറഞ്ഞു.
വയനാട് പുനരധിവാസം സൃഷ്ടിച്ചത് പുതിയ മാതൃകയാണ്. സ്വന്തമായി ഒരു നഗരമുണ്ടാക്കി. ഞങ്ങള് കല്ല് മാത്രം ഇടുന്നവരല്ലെന്നും കല്ലിന് മേലെ കല്ലുവെച്ച് വീടുവെക്കുന്നവരാണെന്നും അദ്ദേം പറഞ്ഞു. മുണ്ടക്കൈ ചൂരല്മല ദുരന്തബാധിതര്ക്കായി സര്ക്കാര് നിര്മിച്ച് നല്കുന്ന വയനാട് ടൗണ്ഷിപ്പിന്റെ ഉദ്ഘാടനത്തില് അധ്യക്ഷ പ്രസംഗം നടത്തുകയായിരുന്നു അദ്ദേഹം.