India
വിജയുടെ ടിവികെയ്ക്ക് വിസില് ചിഹ്നം അനുവദിച്ച് തെരഞ്ഞെടുപ്പ് കമ്മീഷന്
ചെന്നൈ: നിയമസഭ തെരഞ്ഞെടുപ്പ് നടക്കാനിരിക്കുന്ന തമിഴ്നാട്ടില് നടന് വിജയിന്റെ തമിഴക വെട്രി കഴകം (ടിവികെ) പാര്ട്ടിക്ക് ‘വിസില്’ ചിഹ്നം കേന്ദ്ര തെരഞ്ഞെടുപ്പ് കമ്മീഷന് അനുവദിച്ചു. തെരഞ്ഞെടുപ്പ് ചിഹ്നം ആവശ്യപ്പെട്ട് ടിവികെ സമര്പ്പിച്ച അപേക്ഷയിലാണ് നടപടി.
തമിഴ്നാട്ടില് ആദ്യ നിയമസഭാ തെരഞ്ഞെടുപ്പില് മത്സരിക്കാന് തയ്യാറെടുക്കുകയാണ് വിജയിന്റെ ടിവികെ പാര്ട്ടി. വിസില് ചിഹ്നം അനുവദിച്ചതിനെ പാര്ട്ടി സ്വാഗതം ചെയ്തു. പാര്ട്ടിയെ സംബന്ധിച്ചിടത്തോളം സുപ്രധാന നാഴികക്കല്ലാണ് തെരഞ്ഞെടുപ്പ് കമ്മീഷന്റെ തീരുമാനമെന്ന് ടിവികെ നേതാക്കള് സൂചിപ്പിച്ചു.