Kerala
വീണാ ജോർജിനെ പരിഹസിച്ചതിന് നടപടി നേരിട്ട സിപിഎം നേതാവ് കോൺഗ്രസിൽ
പത്തനംതിട്ട: മന്ത്രി വീണാ ജോര്ജിനെ വിമര്ശിച്ച് സമൂഹമാധ്യമത്തില് പോസ്റ്റിട്ടതിന് നടപടി നേരിട്ട സിപിഎം നേതാവ് പി ജെ ജോണ്സണ് പാര്ട്ടി വിട്ട് കോണ്ഗ്രസില് ചേര്ന്നു.
സിപിഎം നേതൃത്വവുമായി ഇടഞ്ഞു നിന്നിരുന്ന ജോണ്സണെ പത്തനംതിട്ട ഡിസിസി അധ്യക്ഷന് സതീഷ് കൊച്ചുപറമ്പിലാണ് കോണ്ഗ്രസ് അംഗത്വം നല്കി പാര്ട്ടിയിലേക്ക് സ്വീകരിച്ചത്. ഡിസിസി ഓഫീസില് എത്തിയാണ് ജോണ്സണ് അംഗത്വം സ്വീകരിച്ചത്.
കോട്ടയം മെഡിക്കല് കോളേജ് കെട്ടിടം ഇടിഞ്ഞു വീണതുമായി ബന്ധപ്പെട്ട് ജോണ്സണ് ആരോഗ്യമന്ത്രി വീണാ ജോര്ജിനെതിരെ സാമൂഹിക മാധ്യമങ്ങളില് വിമര്ശനം ഉന്നയിച്ചിരുന്നു.
മന്ത്രി പോയിട്ട് എം എല് എ ആയിപ്പോലും ഇരിക്കാന് വീണാ ജോര്ജിന് അര്ഹതയില്ലെന്നും കൂടുതല് പറയിപ്പിക്കരുതെന്നുമായിരുന്നു വിമര്ശനം. ഇതേതുടര്ന്ന് ജോണ്സണെ പാര്ട്ടിയില് നിന്നും സസ്പെന്ഡ് ചെയ്തിരുന്നു.