Kerala
സജി ചെറിയാന്റെ വാക്കുകള് അപമാനിക്കുന്നതിന് തുല്ല്യമെന്ന് വേടന്
കൊച്ചി: വേടന് അവാര്ഡ് നല്കിയതിന് പിന്നാലെ സാംസ്കാരിക വകുപ്പ് മന്ത്രി സജി ചെറിയാൻ പറഞ്ഞ വാക്കുകള്ക്ക് മറുപടിയുമായി വേടൻ രംഗത്ത്.
മന്ത്രിയുടെ വാക്കുകൾ തന്നെ അപമാനിക്കുന്നതിന് തുല്ല്യമാണെന്നും അതിന് പാട്ടിലൂടെ മറുപടി നല്കുമെന്നും അക്കാര്യത്തില് കൂടുതല് പ്രതികരണത്തിനില്ലെന്നും വേടന് പറഞ്ഞു.
സംസ്ഥാന ചലച്ചിത്ര അവാര്ഡിനെക്കുറിച്ചുള്ള ചോദ്യത്തോടായിരുന്നു വേടനെപ്പോലും തങ്ങള് അവാര്ഡിനായി സ്വീകരിച്ചുവെന്ന മന്ത്രിയുടെ പരാമര്ശം.
തനിക്ക് അവാര്ഡ് നല്കിയതിനെ വിമര്ശിക്കുന്നവരോട് ഒന്നും പറയാനില്ല. അവാര്ഡ് വലിയ അംഗീകാരമായി കാണുന്നു. രാഷ്ട്രീയ പിന്തുണയുടെ ഭാഗമായല്ല പുരസ്കാരം. താന് ഒരു രാഷ്ട്രീയപാര്ട്ടിയിലും അംഗമല്ലെന്നും വേടന് പറഞ്ഞു.
തുടര്ച്ചയായ കേസുകള് ജോലിയെ ബാധിച്ചുവെന്നും വേടന് പറഞ്ഞു. വ്യക്തിജീവിതത്തില് കുറച്ചുകൂടി ജാഗ്രത പുലര്ത്തണം എന്ന് തോന്നിയിട്ടുണ്ട്. പ്രായത്തിന്റേതായ പക്വത കുറവ് ഉണ്ടെന്നും വേടന് പറഞ്ഞു.