Kerala
വേടനെതിരെ കെപി ശശികല പറഞ്ഞ അസഭ്യവാക്ക് പിന്വലിക്കണം; രാഹുല് ഈശ്വര്
തിരുവനന്തപുരം: റാപ്പര് വേടനെ അധിക്ഷേപിച്ച ഹിന്ദു ഐക്യവേദി നേതാവ് കെപി ശശികലയ്ക്കെതിരെ വലതു രാഷ്ട്രീയ നിരീക്ഷകന് രാഹുല് ഈശ്വര്.
വേടനെ അധിക്ഷേപിക്കാന് ശശികല ഉപയോഗിച്ച വാക്ക് വളരെ മോശമാണെന്നും അത് പിന്വലിക്കണമെന്നും രാഹുല് ഈശ്വര് ആവശ്യപ്പെട്ടു. ഫേസ്ബുക്കില് പങ്കുവെച്ച വീഡിയോയിലൂടെയാണ് വേടനെതിരെ പ്രയോഗിച്ച വാക്ക് പിന്വലിക്കണമെന്ന് രാഹുല് ആവശ്യപ്പെട്ടത്.
ഇത്തരം അസഭ്യവും ആഭാസവും പറയുന്നത് നമുക്ക് ചേരുന്നതാണോ എന്ന് ശശികല ചിന്തിക്കണമെന്നും അമ്മയുടെ പ്രായത്തിലുളള ഒരു സ്ത്രീ ഇത്തരം പരാമര്ശങ്ങള് നടത്തുന്നത് സമൂഹത്തില് നെഗറ്റീവ് ഇംപാക്ട് ഉണ്ടാക്കുമെന്നും രാഹുല് ഈശ്വര് പറഞ്ഞു.