Kerala
രണ്ടാം മണിക്കൂറില് ഗിയര് മാറ്റി യുഡിഎഫ്, ലീഡ് 90 കടന്നു
തിരുവനന്തപുരം: കേരളം ഇനി ആര് ഭരിക്കുമെന്ന് അറിയുന്നതിനുള്ള നിയമസഭ തെരഞ്ഞെടുപ്പിലെ വോട്ടെണ്ണല് രണ്ടര മണിക്കൂറിലേക്ക് കടക്കുമ്പോള് ഗിയര് മാറ്റി യുഡിഎഫ്. ആദ്യ മണിക്കൂറുകളില് യുഡിഎഫും എല്ഡിഎഫും തമ്മില് ഇഞ്ചോടിഞ്ച് പോരാട്ടമായിരുന്നു.
എന്നാല് ഇവിഎമ്മിലെ വോട്ടുകള് എണ്ണിത്തുടങ്ങിയപ്പോള് കഥ മാറി. പതുക്കെ പതുക്കെ യുഡിഎഫ് കുതിക്കുന്ന കാഴ്ചയാണ് പിന്നീട് കണ്ടത്. ഒടുവില് ലീഡ് നില 90 കടന്നതോടെ യുഡിഎഫിന് അനൂകൂലമായ ട്രെന്ഡ് നടന്നതായാണ് വിലയിരുത്തല്.
ഭരണവിരുദ്ധ വികാരം വോട്ടായി മാറിയെന്നാണ് സൂചന. ഇത്തവണ അക്കൗണ്ട് വീണ്ടും തുറക്കുമെന്ന പ്രതീക്ഷ പ്രകടിപ്പിച്ച എന്ഡിഎ അതിന് അനുസരിച്ചുള്ള മത്സരമാണ് കാഴ്ചവെയ്ക്കുന്നത്. അഞ്ചിടത്താണ് എന്ഡിഎ മുന്നിട്ടുനില്ക്കുന്നത്.