Kerala
ചിത്തരഞ്ജന് ഭിന്നശേഷിക്കാരെ അപമാനിച്ചു; പ്രതിപക്ഷ നേതാവ്
തിരുവനന്തപുരം: നിയമസഭയില് മന്ത്രിമാരും ചില ഭരണപക്ഷ എംഎല്എമാരും സഭ്യേതര പരാമര്ശങ്ങള് നടത്തി എന്ന് പ്രതിപക്ഷ നേതാവ് വി.ഡി. സതീശന്.
ഈ പരാമര്ശങ്ങളെല്ലാം സ്പീക്കര് കേട്ടുകൊണ്ടിരുന്നെന്നും അതിന് കുടപിടിച്ചെന്നും അദ്ദേഹം ആരോപിച്ചു. ശബരിമല സ്വര്ണപ്പാളി വിഷയത്തില് പ്രതിഷേധമുയര്ത്തിയതിന് പിന്നാലെ സഭ വിട്ടിറങ്ങിയശേഷം മാധ്യമങ്ങളോട് പ്രതികരിക്കുക ആയിരുന്നു അദ്ദേഹം.
സമാധാനപരമായ സമരമാണ് ഞങ്ങള് നടത്തിയത്. പക്ഷേ, വിന്സെന്റ് എംഎല്എയെ വാച്ച് ആന്ഡ് വാര്ഡ് തടഞ്ഞുവെച്ചു. അദ്ദേഹത്തിന് ശ്വാസതടസ്സമുണ്ടായി. സനീഷ്കുമാറിന് മുറിവേറ്റു. വാച്ച് ആന്ഡ് വാര്ഡിനെ നിര്ത്തിക്കൊണ്ടാണ് സഭ നടത്തിക്കൊണ്ടുപോകാന് സ്പീക്കര് ശ്രമിച്ചത്.
മാത്രമല്ല, സഭ നടത്തിക്കൊണ്ടുപോകുന്ന സമയത്ത് മന്ത്രിമാരും ചില എംഎല്എമാരും സഭ്യേതരമായ ഒരുപാട് പരാമര്ശങ്ങള് നടത്തി. ആ പരാമര്ശങ്ങള് സ്പീക്കര് കേട്ടുകൊണ്ടിരിക്കുകയായിരുന്നു.