India
അവൾ മുസ്ലിമാണ്, ഞാൻ ചികിത്സിക്കില്ല; യുപിയിൽ ഗർഭിണിക്ക് ചികിത്സ നിഷേധം
ലഖ്നൗ: ഉത്തര്പ്രദേശില് മുസ്ലിം ഗര്ഭിണിക്ക് ചികിത്സ നിഷേധിച്ച് ഡോക്ടര്. സെപ്റ്റംബര് 30നാണ് സംഭവം.
ജില്ലാ വനിതാ ആശുപത്രിയില് ചികിത്സയ്ക്ക് പോയതായിരുന്നു ശമ പര്വീന്. പര്വീനെ ചികിത്സിക്കാന് ഭര്ത്താവ് മുഹമ്മദ് നവാസ് അഭ്യര്ത്ഥിച്ചെങ്കിലും വനിതാ ഡോക്ടര് നിഷേധിക്കുകയായിരുന്നു.
അവളെ ഓപ്പറേഷന് തിയേറ്ററിലേക്ക് കൊണ്ടുവരരുത്. അവള് മുസ്ലിമാണ്. ഞാന് അവളെ ചികിത്സിക്കില്ല. മറ്റെവിടെയെങ്കിലും കൊണ്ടുപോകൂ’, എന്ന് ഡോക്ടര് പറഞ്ഞതായി കുടുംബം ആരോപിക്കുന്നു.
തനിക്ക് ചികിത്സ നിഷേധിക്കപ്പെട്ട കാര്യം പറയുന്ന ശമ പര്വീന്റെ വീഡിയോ ആം ആദ്മി പാര്ട്ടി എംപി സഞ്ജയ് സിങ് പങ്കുവെച്ചതോടെയാണ് സംഭവം വിവാദമാകുന്നത്.