India
കേന്ദ്ര ബജറ്റ്; വനിത സംരംഭകര്ക്ക് 2 കോടി വരെ വായ്പ നല്കും, ടൂറിസം മേഖലയിൽ കൂടുതൽ തൊഴിലവസരം
ന്യൂഡൽഹി: നരേന്ദ്ര മോദി സര്ക്കാരിന്റെ വികസന നേട്ടങ്ങള് ചൂണ്ടിക്കാട്ടിക്കാട്ടി ആണ് നിര്മല സീതാരാമന് ബജറ്റ് അവതണം ആരംഭിച്ചത്.
ഇത്തവണത്തെ ബജറ്റ് ഇടത്തരക്കാരുടെ പ്രതീക്ഷകൾക്ക് മങ്ങലേൽപ്പിക്കാത്തതാണ്. വനിത സംരംഭകര്ക്ക് 2 കോടി വരെ വായ്പ നല്കും. പ്രഖ്യാനം 5 ലക്ഷം സ്ത്രീകൾക്ക് പ്രയോജനപ്പെടുമെന്നും ധനമന്ത്രി നിര്മലാ സീതാരാമന് ബജറ്റ് അവതരണ വേളയില് പറഞ്ഞു.
കൂടാതെ ടൂറിസം മേഖലയിൽ കൂടുതൽ തൊഴിൽ അവസരം ഒരുങ്ങുമെന്നും ഹോം സ്റ്റേക്കായി മുദ്ര ലോണുകൾ നല്കുമെന്നും പ്രഖ്യാപനം. സ്വകാര്യ പങ്കാളിത്തത്തോടെ 50 ടൂറിസം കേന്ദ്രങ്ങള് ആരംഭിക്കും. നിലവിലെ കേന്ദ്രങ്ങളിലെ സൗകര്യങ്ങള് ഉയര്ത്തുമെന്നും ധനമന്ത്രി പറഞ്ഞു. എഐ വിദ്യാഭ്യാസത്തിനായി പുതിയ കേന്ദ്രം സ്ഥാപിക്കുമെന്നും ഇതിനായി 500 കോടി വകയിരുത്തിയെന്നും ബജറ്റ് പ്രഖ്യാപനത്തിൽ കേന്ദ്ര ധനമന്ത്രി നിർമല സീതാരാമൻ.