India
തൃഷയ്ക്കെതിരായ പരാമര്ശത്തില് മാപ്പ് പറഞ്ഞ് തമിഴ്നാട് ബിജെപി അധ്യക്ഷന്
ചെന്നൈ: നടി തൃഷയ്ക്കെതിരായ പരാമര്ശത്തില്മാപ്പ് പറഞ്ഞ് തമിഴ്നാട് ബിജെപി അധ്യക്ഷന് നൈനാര് നാഗേന്ദ്രന്. അബദ്ധത്തില് നടത്തിയ പ്രസ്താവനയെന്ന് വിശദീകരണം. ആര്ക്കെങ്കിലും വിഷമമായിട്ടുണ്ടെങ്കില് മാപ്പു ചോദിക്കുന്നെന്നും നൈനാര് നാഗേന്ദ്രന് പറഞ്ഞു.
‘ഇത് അബദ്ധത്തില് നടത്തിയ പ്രസ്താവനയായിരുന്നു. ഞങ്ങളുടെ അഖിലേന്ത്യാ വനിതാ വിഭാഗം മേധാവി വാനതി ശ്രീനിവാസനും അണ്ണാമലൈയും ഈ വിഷയത്തെക്കുറിച്ച് എന്നോട് സംസാരിച്ചു. എന്റെ പ്രസ്താവനയില് ആര്ക്കെങ്കിലും വേദനയുണ്ടായിട്ടുണ്ടെങ്കില്, ഞാന് ഹൃദയംഗമമായ ഖേദം പ്രകടിപ്പിക്കുന്നു,- നൈനാര് നാഗേന്ദ്രന് പറഞ്ഞു.