Kerala
മലപ്പുറത്ത് ജനങ്ങളെ ഭീതിയിലാക്കി വീണ്ടും കടുവ ആക്രമണം
മലപ്പുറം: അടക്കാകുണ്ടില് ജനങ്ങളെ ഭീതിയിലാക്കി വീണ്ടും കടുവ ആക്രമണം. എഴുപതേക്കറിന് സമീപത്തെ റബര് തോട്ടത്തിലെ റാട്ടപ്പുരയോട് ചേര്ന്ന തൊഴുത്തില് കെട്ടിയിട്ട പശുക്കിടാവിനെയാണ് കടിച്ചുകൊണ്ടുപോയി കൊന്നുതിന്നത്. അമ്പതേക്കര് റൂഹാ എസ്റ്റേറ്റില് കാസര്കോടന് കുള്ളന് ഇനത്തില് പെട്ട പശുക്കുട്ടിയെയാണ് കടുവ കടിച്ചുകൊന്നത്.
എസ്റ്റേറ്റിലെ റാട്ടപ്പുരയോട് ചേര്ന്ന തൊഴുത്തില് കെട്ടിയിട്ട നാല് പശുക്കളിലൊന്നിനെയാണ് കടിച്ചുകൊന്നത്. പശുക്കിടാവിന്റെ കഴുത്തില് കടിച്ച ശേഷം പിന്ഭാഗത്തെ മാംസം ഭക്ഷിച്ച നിലയിലാണ്. നിലമ്പൂര് സ്വദേശി മലയപ്പുള്ളിപ്പ് ജോസ് എന്നയാളുടെ ഉടമസ്ഥതയിലുള്ളതാണ് തോട്ടം. ഫോറസ്റ്റ് റേഞ്ചിലെ ഉദ്യോഗസ്ഥര് സ്ഥലം സന്ദര്ശിച്ചു.
വനം വകുപ്പ് വെറ്ററിനറി സര്ജന്റെ നേതൃത്വത്തില് കാളികാവ് ഗവ. വെറ്ററിറി സര്ജന് ഡോ അന്വര് ജഡം പോസ്റ്റ്മോര്ട്ടം നടത്തി.