Kerala
സപ്ലൈകോയില് ഇന്ന് വെളിച്ചെണ്ണയ്ക്ക് പ്രത്യേക വിലക്കുറവ്
തിരുവനന്തപുരം: സപ്ലൈകോ സൂപ്പര് മാര്ക്കറ്റുകളില് ഇന്ന് (ഞായറാഴ്ച) കേര വെളിച്ചെണ്ണ ലിറ്ററിന് 445 രൂപ നിരക്കില് ലഭിക്കും. ഒരു ദിവസത്തേക്കുള്ള പ്രത്യേക വിലക്കുറവാണ് ഇത്.
വെളിച്ചെണ്ണയ്ക്ക് അനിയന്ത്രിതമായി വില ഉയര്ന്ന സാഹചര്യത്തില്, 529 രൂപ വിലയുള്ള ഒരു ലിറ്റര് കേര വെളിച്ചെണ്ണ , സപ്ലൈകോ വില്പ്പനശാലകളിലൂടെ 457 രൂപയ്ക്ക് നല്കിയിരുന്നു.
അതിലും 12 രൂപ കുറച്ചാണ് ഞായറാഴ്ച പ്രത്യേക ഓഫറില് നല്കുന്നത്. സപ്ലൈകോ ശബരി ബ്രാന്ഡിലെ വെളിച്ചെണ്ണ സബ്സിഡി നിരക്കില് 349 രൂപയ്ക്കും സബ്സിഡി ഇതര നിരക്കില് 429 രൂപയ്ക്കും ഓഗസ്റ്റ് മുതല് നല്കുന്നുണ്ട്.