Kerala
രാഹുൽ മാങ്കൂട്ടത്തിലിനെതിരായ പരാതി രാഷ്ട്രീയ പ്രേരിതമെന്ന് സണ്ണി ജോസഫ്
കണ്ണൂര്: രണ്ടാമത്തെ ബലാത്സംഗക്കേസിലും രാഹുല് മാങ്കൂട്ടത്തിലിന് മുൻകൂർ ജാമ്യം കിട്ടിയതിനു പിന്നാലെ പ്രതികരണവുമായി കെപിസിസി പ്രസിഡന്റ് സണ്ണി ജോസഫ്.
പരാതി രാഷ്ട്രീയ പ്രേരിതമാണെന്ന് വിലയിരുത്താമെന്നും എന്തിനാണ് ആ പരാതി എന്ന് ആളുകള്ക്കറിയാമെന്നും അദ്ദേഹം പറഞ്ഞു.
തദ്ദേശ തെരഞ്ഞെടുപ്പില് വോട്ട് രേഖപ്പെടുത്തിയശേഷം ഇരിട്ടിയില് മാധ്യമങ്ങളോട് സംസാരിക്കവേയാണ് അദ്ദേഹത്തിന്റെ പ്രതികരണം.
രണ്ടാമത്തെ പരാതിക്ക് പിന്നില് ലീഗല് ബ്രെയിനുണ്ട്. പരാതി രാഷ്ട്രീയ പ്രേരിതമാണെന്നും വിലയിരുത്താം. നിയമം നിയമത്തിന്റെ വഴിക്ക് പോകട്ടെ. പരാതി എനിക്ക് കിട്ടുന്ന സമയത്ത് തന്നെ മാധ്യമങ്ങള്ക്കും കിട്ടിയിരുന്നല്ലോ. ആസൂത്രിതമായ പരാതിയാണിതെന്നും സണ്ണി ജോസഫ് പറഞ്ഞു.