Kerala
കെപിസിസി പ്രസിഡന്റ് സണ്ണി ജോസഫിന്റെ സഹോദരന് ഇന്ന് ബിജെപിയില് ചേരും
കണ്ണൂര്: കെപിസിസി പ്രസിഡന്റ് സണ്ണി ജോസഫിന്റെ സഹോദരന് ഷാജി വി ജോസഫ് ഇന്ന് ബിജെപിയില് ചേരും.പുതിയതെരുവില് നടക്കുന്ന എന്ഡിഎ റോഡ് ഷോയില് പങ്കെടുക്കുന്ന ഷാജി വി ജോസഫ് അഴീക്കോട് നിയോജക മണ്ഡലം തെരഞ്ഞെടുപ്പ് കമ്മിറ്റി ഉദ്ഘാടന ചടങ്ങില് സദാനന്ദ് ഷെട്ട് താനേവാദ് എംപി യില് നിന്നു ബിജെപി അംഗത്വം സ്വീകരിക്കും.
ആഴ്ചകള്ക്ക് മുന്പ് ബിജെപി മമ്പറത്ത് നടത്തിയ ജനകീയ സംവാദത്തിലും അദ്ദേഹം പങ്കെടുത്തിരുന്നു. സംസ്ഥാന അധ്യക്ഷന് രാജീവ് ചന്ദ്രശേഖര് പങ്കെടുത്ത പരിപാടിയിലാണ് ഷാജി ജോസഫ് ഗ്യാസ് ഏജന്സി ലൈസന്സുമായി ബന്ധപ്പെട്ട നിവേദനവുമായി എത്തിയത്.
കെ കരുണാകരന്റെയും എ കെ ആന്റണിയുടെയും മക്കള്ക്ക് ബിജെപിയില് പോകാമെങ്കില് തനിക്കുമാവാമെന്നാണ് ഷാജി അന്ന് പ്രതികരിച്ചത്.