India
ബീഹാർ ഇലക്ഷൻ; ഗായിക മൈഥിലി താക്കൂര് ബിജെപി ടിക്കറ്റിൽ മത്സരിക്കും
പട്ന: പിന്നണി ഗായിക മൈഥിലി താക്കൂര് തെരഞ്ഞെടുപ്പ് ഗോദയിലേക്കെന്ന് സൂചന.
സ്വന്തം മണ്ഡലമായ മധുബനിയില് ബിജെപി സ്ഥാനാര്ത്ഥിയായി മത്സരിച്ചേക്കും. കഴിഞ്ഞ ദിവസം ബിജെപി നേതാക്കള് മൈഥിലിയുമായി കൂടിക്കാഴ്ച നടത്തിയതിന്റെ ചിത്രങ്ങള് പുറത്തുവന്നതോടെയാണ് സ്ഥാനാര്ത്ഥിത്വം സംബന്ധിച്ച അഭ്യൂഹം പരന്നത്.
മധുബനി അല്ലെങ്കില് അലിഗഢ് മണ്ഡലമാണ് ബിജെപി മൈഥിലിക്ക് മുന്നിലേക്ക് വെച്ചതെന്നാണ് വിവരം.
ബിഹാറിന്റെ ചുമതലയുള്ള ബിജെപി നേതാവ് വിനോദ് താവ്ഡെ, കേന്ദ്ര മന്ത്രി നിത്യാനന്ദ് റായ്, മൈഥിലി താക്കൂര്, ഗായികയുടെ പിതാവ് എന്നിവരാണ് കഴിഞ്ഞദിവസം ഡല്ഹിയില് കൂടിക്കാഴ്ച നടത്തിയത്.
‘ബിഹാറിന്റെ മകള്’ എന്ന വിശേഷണത്തോടെ വിനോദ് തന്നെയാണ് കൂടിക്കാഴ്ചയുടെ ചിത്രം പങ്കുവെച്ചത്.