Kerala
തന്ത്രി കണ്ഠരര് രാജീവര് ജയിലില് തുടരും
കൊല്ലം: ശബരിമല സ്വര്ണക്കൊള്ള കേസില് തന്ത്രി കണ്ഠരര് രാജീവരുടെ റിമാന്ഡ് വീണ്ടും നീട്ടി. 14 ദിവസത്തേക്കാണ് തന്ത്രിയുടെ റിമാന്ഡ് കൊല്ലം വിജിലന്സ് കോടതി നീട്ടിയത്. ആരോഗ്യപ്രശ്നങ്ങള് മൂലം ഓണ്ലൈനായിട്ടാണ് തന്ത്രി കണ്ഠരര് രാജീവരെ കോടതിയില് ഹാജരാക്കിയത്.
തന്ത്രിയുടെ റിമാന്ഡ് കാലാവധി അവസാനിച്ചതിനെ തുടര്ന്നാണ് കോടതി റിമാന്ഡ് നീട്ടിയത്. സ്വര്ണക്കൊള്ള കേസില് തന്ത്രി കണ്ഠരര് രാജീവര് സമര്പ്പിച്ച ജാമ്യാപേക്ഷയില് ഈ മാസം 9 ന് കോടതി വിശദമായ വാദം കേള്ക്കും. കട്ടിളപ്പാളി കേസിലും രണ്ടാമത് അറസ്റ്റിലായ ദ്വാരപാലക കേസിലും തന്ത്രി ജാമ്യാപേക്ഷ നല്കിയിട്ടുണ്ട്.