Kerala
സ്വര്ണക്കൊള്ള; ജയറാമിന് ക്ലീന്ചിറ്റ്
തിരുവനന്തപുരം: ശബരിമല സ്വര്ണക്കൊള്ളക്കേസില് നടന് ജയറാമിന് ക്ലീന്ചിറ്റ് നല്കി പ്രത്യേക അന്വേഷണസംഘം. നടന് സ്വര്ണക്കൊള്ളയുമായി ബന്ധമില്ലെന്നും പ്രതികളുമായി സാമ്പത്തിക ഇടപാടുകളില്ലെന്നും ഇനി ചോദ്യം ചെയ്യേണ്ട ആവശ്യമില്ലെന്നുമാണ് എസ്ഐടി നിലപാട്.
സ്വര്ണക്കൊള്ളക്കേസിലെ ഒന്നാം പ്രതി ഉണ്ണികൃഷ്ണന് പോറ്റി ജയറാമിനെ തെറ്റിദ്ധരിപ്പിച്ച് ചടങ്ങുകളില് പങ്കെടുപ്പിച്ചുവെന്നാണ് എസ്ഐടി കണ്ടെത്തല്. ജയറാമിന്റെ മൊഴിയില് തീയതികള് മാറിയതില് ദുരൂഹതയില്ലെന്നും എസ്ഐടി നിഗമനം. ജയറാം കുറ്റപത്രത്തില് പ്രധാന സാക്ഷികളില് ഒരാളാകും.